ប្រទេសទាំង១៥នៅអាសុីដែលជាប់ឈ្មោះជាគោលដៅទេសចរណ៍មានតម្លៃសមរម្យ

១២. ហ្វីលីពីន (Philippines)

នៅពេលអ្នកដំណើរចង់គយគន់ឆ្នេរសមុទ្រស្រស់ឆើតឆាយ និងស្វែងរកកន្លែងមុជទឹកល្អៗនៅអាស៊ីនោះ សូមជ្រើសរើសមកប្រទេសហ្វីលីពីន។ ហ្វីលីពីនមានអ្វីជាច្រើនសម្រាប់ផ្តល់ឱ្យអ្នកទេសចរដែលចូលចិត្តសមុទ្រ និងជាគោលដៅប្រសើរឥតខ្ចោះសម្រាប់ការលំហែវិស្សមកាល អមដោយដើមដូង ឆ្នេរខ្សាច់ និងទេសភាពថ្ងៃលិច។ ឆ្នេរនិងកោះរបស់ហ្វីលីពីននៅខេត្តបូហូល (Bohol) ប៉ាឡាវ៉ាន់ (Palawan) និងបូរ៉ាឃេ (Boracay) គឺសុទ្ធតែស្ថិតនៅលំដាប់ថ្នាក់ពិភពលោក។ បន្ទប់ស្នាក់នៅរួមនៅហ្វីលីពីន មួយយប់ថ្លៃចន្លោះ១០-១៥ដុល្លារ ហើយមធ្យោបាយធ្វើដំណើរពីកោះមួយទៅកោះមួយ គឺការជិះទូកកាណូតជាជម្រើសប្រសើរជាងការជិះយន្តហោះ ព្រោះវាថ្លៃក្រោម១០ដុល្លារ ហើយមានល្បឿនយឺត ដែលអនុញ្ញាតឱ្យភ្ញៀវទេសចរមានឱកាសគយគន់ទេសភាពតាមសម្រួល។ ចំពោះកញ្ចប់ថវិកាប្រចាំថ្ងៃសម្រាប់ការធ្វើដំណើរកម្សាន្តនៅហ្វីលីពីនគឺខ្ទង់៣៥ដុល្លារ។