ប្រទេសទាំង១៥នៅអាសុីដែលជាប់ឈ្មោះជាគោលដៅទេសចរណ៍មានតម្លៃសមរម្យ

១១. ឡាវ (Laos)

ប្រទេសឡាវ ជារឿយៗត្រូវបានភ្ញៀវទេសចរមើលរំលង ដោយសារតែជាប្រទេសក្រីក្រ និងគ្មានឆ្នេរសមុទ្រ។ ទោះជាបែបនេះក្តី ជាក់ស្តែងឡាវគឺជាប្រទេសដ៏ស្រស់ស្អាតមួយនៅអាស៊ីដែរ ដែលមានទឹកធ្លាក់គួរឱ្យចង់គយគន់ជាច្រើន ដូចជាទឹកធ្លាក់ខនផាក់ផេង (Khone Phapheng Falls) នៅក្បែរព្រំប្រទល់កម្ពុជា និងទឹកធ្លាក់គង្គសិរី (Kuang Si Falls) នៅក្នុងទីក្រុងហ្លួងព្រះបាងជាដើម។ និយាយរួម ប្រទេសនេះសម្បូរកន្លែងទេសចរណ៍បែបធម្មជាតិ។ ដោយឡែក សម្រាប់ថ្លៃជិះរថយន្តក្រុងនៅប្រទេសឡាវ គឺខ្ទង់១ដុល្លារក្នុង១ម៉ោង។ រីឯថ្លៃម្ហូបអាហារគឺប្រហែល២ដុល្លារ។ ទាំងការធ្វើដំណើរ ហូបចុក និងស្នាក់នៅ គឺត្រូវការកញ្ចប់ថវិកាត្រឹម៣០-៤០ដុល្លារក្នុង១ថ្ងៃប៉ុណ្ណោះ ប្រសិនបើទេសចរសម្រេចមកធ្វើដំណើរកម្សាន្តនៅឡាវ។